//自購// HERMÈS Rouge Hermès Matte Lipstick #11BeigeNaturel
.
相信大家都知道最近Hermès 出左唇膏，Online同某幾間門市先有得買，如果想試色就要去返指定嘅門市啦。我係喺Landmark專門店到買嘅，買嘅時候超多人睇，要網上登記再等SA慢慢幫你試色先得🤣
.
老老實實主要吸引我買嘅原因都係因為佢係Hermès🤣包裝方面無令我失望，雖然係簡單嘅黑白金組合，不過拎上手都好有質感，最靚係唇膏蓋上面金色嘅Hermès壓紋，超級精緻💞買嘅時候仲配有經典嘅橙色紙盒同唇膏套，總之如果你同我一樣係用收藏化妝品嘅心態而買，我覺得唔會失望嘅。
.
講返唇膏本身，我買嘅Matte系列，查上嘴好順滑，唔算好滋潤但係以matte唇膏黎講唔乾，貼服度同持久度都一般般，有少少顯唇紋同卡死皮，勤力做返唇部保養就無問題。就Formula而言無咩特別😹大把其他牌子嘅matte formula都做到呢個效果甚至做得更好。
.
色調方面今次出左24隻色，但多數色調都好sharp或者唔太日常，自然色嘅選擇唔係太多，我揀咗11號Beige Naturel 色，係非常自然嘅裸粉紅色，查上咀完全係MLBB色，素顏濃妝都可以搽，@samanthaluiii 話有啲似Charlotte Tilbury嘅pillow talk，但我無pillow talk所以比較唔到🤨
.
總括嚟講，formula同埋色調都唔算話十分吸引，都係個句啦，如果以儲化妝品嘅心態買係開心嘅，因為成個購物體驗都好新鮮(對我嚟講)，包裝亦都好有誠意～但對於唇膏本身嘅Quality就唔好有太太太高嘅期望啦
Search